बसुन्धरामा रास्वपा संसदीय दल र केन्द्रीय समिति बैठक

राष्ट्रिय स्वतन्त्र पार्टीको संसदीय दल र केन्द्रीय समितिको बैठक संयुक्त बैठक बसिरहेको छ ।

पार्टी केन्द्रीय कार्यालय बसुन्धारामा अपरान्ह ४ बजेबाट बसिरहेको बैठकमा चितवन २ मा हुन गैरहेको उपनिर्वाचनका विषयमा छलफल हुने बताइएको छ । निर्वाचन आयोगले वैशाख १० गते उपनिर्वाचन गर्ने घोषणा गरिसकेको छ ।

रास्वपाले सो क्षेत्रमा पुनः पार्टी सभापति रवि लामिछानेलाई नै उम्मेदवार बनाउने तयारी गरेको छ । यस्तै, बैठकमा समसामयिक राजनीतिक गतिविधि र पार्टी संगठन विस्तारबारे पनि छलफल हुने लागेको छ ।

सभापति लामिछाने गैर सांसदको रुपमा गृहमन्त्री बन्न्न नपाएपछि रास्वपा सरकारबाट बाहिरिएको थियो । यद्यपी, सरकारलाई सो पार्टीले समर्थन भने कायमै राखेको छ ।