सशस्त्र प्रहरीका ४ एसएसपी डीआईजीमा बढुवा

काठमाडौं । सशस्त्र प्रहरीका ४ जना एसएसपीहरु डीआईजीपदमा बढुवा भएका छन् । सिरियल संख्या १ (इन्सपेक्टरको पहिचो ब्याच)का एसएसपीहरु डिआइजीमा बढुवा भएका हुन् ।

शसस्त्र एसएसपी सुरेशकुमार श्रेष्ठ, अञ्जनीकुमार पोखरेल, दीपेन्द्र शाह र पुरुषोत्तम थापालाई गृह मन्त्रालयले डीआइजीमा बढुवा गरेको हो । बढुवाका लागि एकसाता पहिले नै सिफारिस भएकोमा उनीहरु विरुद्ध उजुरी नपरेपछि उनीहरुको स्वतःबढुवा भएको हो ।

उनीहरु २०५९ सालको कात्तिक २७ गते भर्ना भएका थिए । डीआइजीको बढुवासँगै सशस्त्रमा तल्लो तहमा पनि बढुवाको ढोका खुलेको छ । सशस्त्रको एसएसपी, एसपी र डिएसपी बढुवामा पछिल्ला वर्ष धेरै समय लाग्ने समस्या रहेको छ ।