काठमाडौं । अन्तर्राष्ट्रिय क्रिकेट परिषद् (आईसीसी) विश्वकप क्रिकेट लिग-२ अन्तर्गत त्रिकोणात्मक एकदिवसीय शृङ्खलामा आज (मंगलबार) स्कटल्याण्डसँगको खेलमा नेपालले पहिले बलिङ गर्ने निर्णय गरेको छ । त्रिवि क्रिकेट मैदानमा टस जितेर नेपालले बलिङ गर्ने निर्णय गरेको हो ।
नेपालले आफ्नो टोलीमा १ जना खेलाडी परिवर्तन गरेको छ। गत शनिबार नामिबियासँगको खेलमा प्लेइङ ११ मा रहेका गुलशन झालाई बेञ्चमा राखिएको छ। ललित राजबंशी प्लेइङ ११ मा परेका छन् ।
यसअघि शुक्रबार स्कटल्याण्डसँगको खेलमा ललितलाई बेञ्चमा राखेर गुलशनलाई प्लेइङ ११ मा राखिएको थियो।
नेपालको प्लेइङ ११ :
रोहित पौडेल (कप्तान), दीपेन्द्र सिंह ऐरी, ज्ञानेन्द्र मल्ल, आसिफ शेख, सोमपाल काकी, करन केसी, सन्दीप लामिछाने, कुशल भुर्तेल, ललित राजबंशी, सन्दीप जोरा, कुशल मल्ल।
प्रतिक्रिया