काठमाडौं । प्रधानमन्त्री पुष्पकमल दाहाल प्रचण्डसँग नेकपा एमालेका अध्यक्ष केपी शर्मा ओलीले भेटवार्ता गरेका छन् ।
बालुवाटार पुगेर अध्यक्ष ओलीले प्रधानमन्त्री प्रचण्डलाई भेट गरेका हुन् ।
राष्ट्रपति चयनका विषयमा असहमति बढ्दै जाँदा दुई शीर्ष नेताहरुबीच भेट भएको हो । भेटमा राष्ट्रपति निर्वाचनबारे छलफल भैरहेको छ ।
फागनु २५ गते हुने राष्ट्रपति निर्वाचनका लागि आगामी शनिबार मनोनयन दर्ता कार्यक्रम रहेको छ ।
पूर्वसहमतिअनुरा आफ्नो दलको राष्ट्रपति उम्मेदवारलाई सघाउनुपर्ने अडान राख्दै आएका ओली पछिल्लो समय प्रचण्डबाट सकारात्मक जवाफ नपाएपछि अन्य दलका नेतालाई भए पनि राष्ट्रपति बनाउने भन्दै छलफलमा रहेका छन् ।
माओवादीले भने राष्ट्रपतिमा राष्ट्रिय सहमति खोजिनुपर्ने निर्णय गरिसकेको छ ।
ओलीले पार्टी एकताको शर्तमा एकीकृत समाजवादीका अध्यक्ष माधवकुमार नेपाललाई राष्ट्रपतिमा उम्मेदवार उठाउन प्रस्ताव गरेका छन् । नेपाललाई राष्ट्रपतिको उम्मेदवार बनाए प्रचण्डले अस्वीकार गर्न नसक्ने उनको बुझाई छ ।
प्रतिक्रिया