काठमाडौं। नेकपा माओवादी केन्द्र, नेकपा एकीकृत समाजवादी र जनता समाजवादी पार्टीका शीर्ष नेताहरुबीच बैठक बसिरहेको छ ।
राष्ट्रपति चयनका बारेमा छलफल गर्न चुनाव पूर्वको गठबन्धनमा रहेका तीन पार्टीका शीर्ष नेताहरु बैठकमा बसेका हुन् ।
बैठकमा माओवादीबाट अध्यक्ष पुष्पकमल दाहाल प्रचण्ड, नारायणकाजी श्रेष्ठ, जनार्दन शर्मा र शक्ति बस्नेत सहभागी छन् । एकीकृत समाजवादीबाट भने अध्यक्ष माधवकुमार नेपाल, प्रमेश हमाल, बेदुराम भुसाल, घनश्याम भुसाल र प्रकाश ज्वाला सहभागी छन् । यस्तै, जसपाबाट अध्यक्ष उपेन्द्र यादव र राजेन्द्र श्रेष्ठ सहभागी छन् ।
यसअघि माओवादी–एकीकृत समाजवादी र माओवादी जसपाका नेताहरुबीच छुट्टाछुट्टै बैठक बसेको थियो ।
प्रतिक्रिया