काठमाडौं । नेकपा माओवादी केन्द्रका अध्यक्ष प्रचण्ड र नेकपा एमाले वरिष्ठ नेता माधवकुमार नेपालबीच भेटवार्ता भएको छ ।
नेपाल निवास कोटेश्वरमा प्रचण्ड र नेपालबीच मंगलबार बिहान भएको भेटवार्तामा मन्त्रिपरिषद् विस्तारबारे छलफल भएको बुझिएको छ ।
प्रचण्डले नेपाललाई प्रधानमन्त्री देउवालाई विश्वासको मत दिएकोमा धन्यवाद दिँदै अब सरकारमा सहभागी हुने विषयमा छिटो निर्णय लिन आग्रह गरेका छन् ।
बिहान सवा आठ बजेतिर नेपाल निवास पुगेका प्रचण्ड पौने घण्टा छलफल गरेर फर्किएका थिए ।
प्रचण्ड फर्किएलगत्तै जनता समाजवादी पार्टी जसपाका अध्यक्ष उपेन्द्र यादव नेपाल निवास पुगेका छन् ।
नेपाल र यादवबीच पनि समसामयिक राजनीतिक घटनाक्रम र सरकारकै विषयमा छलफल भएको हुनसक्ने आंकलन गरिएको छ ।
प्रतिक्रिया