प्रदेश १ को नामाकरण गर्ने तयारी, ‘कोसी’ नाममा दलहरु सहमति नजिक

विराटनगर । पहिलो पाँच वर्षे कार्यकालमा प्रदेशसको नामाकरण हुन नसके पनि दोस्रो कार्यकालको सुरुमै प्रदेश १ ले नाम टुंग्याउने गृहकार्य तिब्र बनेको छ । ।

प्रदेशको नामाकरणका विषयमा दलहरुबीच एक प्रकारको सहमति बनेका कारण प्रदेशसभाको बैठकमा आजै नाम टेबल गर्ने बताइएको छ ।

स्रोतका अनुसार दलहरुले साझा सहमतिको रुपमा प्रदेश १ को नाम ‘कोसी’ राख्ने प्रस्ताव आजको प्रदेशसभा बैठकमा पेश गर्ने अनौपचारिक समझदारी गरेका छन् ।

अझै पनि नामको विषयमा फरकफरक धारणाहरु आएकाकारण सहमतिको अन्तिम प्रयास भैरहेको बताइएको छ । अझै पनि दलहरुबीच कोसी या किराँत भन्ने विषयमा अन्तिम सहमति हुन बाँकी छ । यद्यपी अन्तिममा कोसीमा सहमति जुट्ने दाबी गरिएको छ । दलहरुबीच औपचारिक सहमति भए आजै नामको विषय टेबल हुने बताइएको छ ।’

यसअघिकै कार्यकालमा बाँकी ६ वटा प्रदेशले आफ्नो नाम राखिसकेका छन् ।