आइएमई पेको एउटै प्लेटफर्मबाट ३ वटा होली इभेन्टको टिकट खरिद गर्न सकिने

काठमाडौं । आइएमई पे यो वर्षको होलीको लागि विभिन्न इभेन्ट आयोजकहरुसँग आबद्ध भइ सो इभेन्टहरुको टिकट प्रदाएकको रुपमा रहने भएको छ । ग्राहकवर्गहरुलाई आफ्नो मित्रजन तथा परिवारसँग होली मनाउन सजिलै टिकट उपलब्ध गराउने उद्देश्यका साथ आइएमई पे ले होली इभेन्ट टिकटिङ सुबिधा प्रदान गरेको हो । आइएमई पे मा ग्राहकले ३ फरक–फरक होली इभेन्टको टिकट प्राप्त गर्न सक्नेछन् ।

आईएमईले आज जारी गरेको विज्ञप्तिका अनुसार अन्नपूर्ण होटलमा आयोजना हुने कलरेल्ला, द मल्लहोटलको कलर स्प्ल्यास र सिद्दार्थ बुटिक होटलमा आयोजना हुने होली फिएस्ता २०२३ मा सहभागी हुन चाहनेहरुले आईएमई पेबाट टिकट लिन सक्ने छन् ।

यि इभेन्टहरु क्रमशः रेडियो नागरिक, मेराकी इन्टरटेनमेन्ट, र अर्बन इन्टरटेनमेन्टले आयोजना गरेका हुन् । ग्राहकले आइएमई पेबाट टिकट खरिद गर्दा डोर सेल्सको टिकट मुल्य भन्दा थोरै मुल्यमा पाउन सकिने विज्ञप्तिमा उल्लेख गरिएको छ । टिकट खरिद गर्न, आइएमई पे एपको ‘इभेन्ट’ सेवा भित्र उपलब्ध हुने छ ।