बुटवल । वडा प्रहरी कार्यालय रामनगर, बुटवलका प्रमुख प्रहरी निरीक्षक अर्जुन पौडेलले जनताको शान्ति सुरक्षामा कुनै कसर बाँकी नराख्ने प्रतिवद्धता जनाएका छन् ।
हालै अर्घाखाँचीबाट सरुवा भई बुटवल आएका पौडेलले शुक्रबार पत्रकारहरुसँग परिचात्मक कार्यक्रममा बोल्दै जनताको शान्ति सुरक्षाको प्रत्याभूति र गलत कार्यको रोकथाम गर्नु प्रहरीको मुख्य काम भएको भन्दै सबै मिलेर शान्ति सुरक्षा कायम गर्ने जनाएका हुन ।
गलत कामहरु रोक्न सुचना लिने दिने कुरामा सबै पक्षको सहयोग जरुरी रहेको उनको भनाई छ । वडा प्रहरी कार्यालय माताहातका प्रहरी कर्मचारीहरुलाई चुस्त दुरुत राख्ने जनताको सेवालाई छिटो छरितो बनाउने कुरामा आफु सधैं लागिपर्ने बताए ।
सञ्चारकर्मीहरुले रात्रीकालिन बजार व्यवस्थापन, झैंझगडा व्यवस्थापन, लगायतका विषयमा प्रहरी प्रशासन सधै चनाखो बन्नुपर्ने सुझाव दिएका थिए ।
खुल्ला सिमानाका कारण नेपाल भित्रने अवैध लागुऔषध तस्करीका सामान आसपासमा हुने अनैतिक क्रियाकलाप नियन्त्रणमा विशेष निगरानी गर्नुपर्ने सुझाव सञ्चारकर्मीहरुको थियो ।
प्रतिक्रिया