काठमाडौं । उपराष्ट्रपति निर्वाचनमा उम्मेदवार रहेकी जसपाकी प्रमिला कुमारी यादवले आफ्नो उम्मेदवारी फिर्ता लिएकी छिन् ।
यादवले पार्टीका अर्का नेता एवं उपराष्टपतिका उम्मेदवार रामसहाय यादवलाई समर्थन गर्दै आफ्नो उम्मेदवारी फिर्ता लिएकी हु्न ।
यादवले नाम फिर्ता लिएपनि निर्वाचन कार्यालयले भने उनीसहित चारै जना उम्मेदवारको अन्तिम नामावली प्रकाशित गरिसकेको छ ।
प्रमिला यादवले आज उम्मेदवारी फिर्ताको स्वघोषणा गर्दै रामसहाय यादव विभिन्न आन्दोलन र संघर्षमा सक्रिय रुपमा लागेको जिकिर गर्दै उनी उपराष्ट्रपति पदका लागि सक्षम र योग्य उम्मेदवार रहेको बताएकी छन् । उनले अब उप्रान्त आफू उपराष्ट्रपति पदको उम्मेदवार नरहेको जनाएकी छिन्।
प्रतिक्रिया