बुटवलको क्यू बक्स दोस्रो वर्षमा प्रवेश

बुटवल । बुटवलको मिलन चोक स्थित बुटवल सिटी सेन्टरको छैटौं तल्लामा संचालित क्यू बक्स सिनेमाले आफ्नो संचालनको एक वर्ष पूरा गरेको छ ।

गत वर्ष आजकै दिन बुटवलका लब्ध प्रतिष्ठित व्यक्तित्व, व्यवसायी, पत्रकार आदिको उपस्थितीमा नेपाली तथा भारतिय चलचित्रको विशेष प्रदर्शनी गरि यस सिनेमा हलको शुभारम्भ गरिएको थियो ।

त्यसैको भोलीपल्टै अत्यन्तै चर्चित भारतिय चलचित्र आर आर आर को व्यासायिक प्रदर्शन शुरु भए पश्चात विगत एक वर्षमा यहाँ नेपाली, अंग्रेजी र भारतिय गरि कुल ९२ वटा चलचित्रहरु प्रदर्शन भएको भएको संचालक महेन्द्र नारायण श्रेष्ठले बताए ।

हालसम्म १ लाख, १४ हजार ११५ जना दर्शकहरुले यहाँ चलचित्रको मज्जा लिएको उनले बताए । विगत एक वर्षमा व्यावसायिक रुपमा यस हलका सबैभन्दा सफल चलचित्रको रूपमा नेपाली चलचित्रहरु क्रमशः कबड्डी ४, छक्का पञ्जा ४ र भारतिय चलचित्र के जि एफ. २ रहेको अर्का संचालक धनबहादुर खत्रीले बताए । यो एक वर्षमा दर्शकहरुबाट अपार प्रेम, साथ र सद्भाव पाएको र आगामी दिनमा पनि दर्शनको अझ बढी साथ पाउने बिश्वास रहेको संचालक खत्रीले बताए ।

१९६ सिट क्षमताका दुईवटा अत्याधुनिक अडिटोरियम सुविधा समेत रहेको । साथै विभिन्न ५७ प्रकारका अत्यन्तै स्वादिष्ट खाद्य तथा पेय पदार्थको मज्जा पनि लिन सकिन्छ । स्थापनाकाल देखिनै यस सिनेमाहलको व्यवस्थापनको जिम्मा नेपालकै दोश्रो ठुलो सिनेमा चेन व्यवस्थापक आई। एन आई सिनेमाजुले गर्दै आएको छ ।

यसले व्यवस्थापन जिम्मा लिएका सिनेमाहल बुटवल बाहेक काठमाडौं, पोखरा र चितवनमा पनि संचालनमा छन् । साथै वार्षिक उत्सवको अवसरमा चैत्र २४ गतेका दिन चलचित्र हेर्न आउने सम्पूर्ण दर्शकहरुलाई विषेश उपहार तथा लक्की ड्र मार्फत गिफ्ट भाउचर जित्न सक्ने व्यवस्था गरिको छ ।

हलको बुटवलका व्यवसायीहरु महेन्द्र नारायण श्रेष्ठ, धन बहादुर खत्री, अमित रत्न बज्राचार्य तथा जनिज नारायण श्रेष्ठको सोच एवं संयुक्त लगानीमा संचालिनमा आएको हो ।