नेपालगन्ज । अपराध कर्ममा फसेका बालकलाई सरकारले संचालन गरेको बाँकेको जयेन्दु बाल सुधार गृहबाट २४ जनाले माध्यमिक शिक्षा परीक्षा (एसइई) दिएका छन् । बाँकेको डुडुवा गाउँपालिका वडा नं. ६, आसमानपुरमा रहेको बाल सुधार गृहमा रहेका २४ जनाले एसइई परीक्षा दिएका हुन् ।
दुई सय बढी बालक बन्दी रहेको गृहबाट २४ जनाले शुक्रबार एसइर्इ दिएका छन् । उनीहरुका लागि नेपालगन्जको युद्ध संस्कृत माविमा उनीहरुको केन्द्र तोकिएको भएपनि उनीहरुले बाल सुधार गृहबाटै परीक्षा दिएका छन् ।
बाँकेमा यसपालीको एसइईमा ९ हजार २३ जनाले फारम भरेकोमा ४ हजार ४ सय ९४ जना छात्रा र ४ हजार ५ सय २९ जना छात्र रहेका छन् ।
पहिलो दिनको परीक्षामा कोहलपुरका ज्ञानज्योती मावि, चप्परगौडीबाट अमर्यादित गतिविधि गरेका दुई जना शिक्षकलाई निष्कासन गरिएको शिक्षा समन्वय इकाई, नेपालगन्जका अधिकृत उद्धव श्रेष्ठले जानकारी दिए ।
प्रतिक्रिया