काठमाडौं । काठमाडौं महानगरपालिकाका मेयर बालेन शाहको पछिल्लो अभिव्यक्तिप्रति नेकपा एमालेका महासचिव शंकर पोखरेलले आपत्ति जनाएका छन् ।
सामाजिक सञ्जालमार्फत नेताहरुलाई लक्षित गर्दै मेयर बालेनले अभिव्यक्ति दिएपछि महासचिव पोखरेलले पनि ट्वीटरमार्फतै आपत्ति जनाएका हुन् । शनिबार ट्वीट गर्दै पोखरेलले बालेनको अभिव्यक्तिले समाजलाई अराजकतातर्फ लैजाने प्रयास भइरहेको संकेत गरेको जिकिर गरेका छन् ।
त्यसअघि शनिबार बिहान मात्रै मेयर बालेनले सिंहदरबारको फोहोर नउठाउने भन्दै सामाजिक सञ्जालमा नेताहरुलाई सिसडोलमा डम्प गर्नुपर्ने अभिव्यक्ति सार्वजनिक गरेका थिए ।
एमाले महासचिव पोखरेलले जिम्मेवारी सम्हालेर बसेका व्यक्ति जिम्मेवार र जवाफदेही बन्नुपर्ने बताएका छन् । उनले लेखेका छन्, ‘मेयर बालेनको अभिव्यक्तिले नेपाली समाजलाई चरम अराजकतातिर लैजाने नियोजित प्रयास भइरहेको संकेत गर्दछ। जिम्मेवारीमा बसेपछि जिम्मेवार र जवाफदेही बन्नै पर्दछ,’ उनले लेखेका छन्।
मेयर वालेनको अभिव्यक्तिले नेपाली समाजलाई चरम अराजकतातिर लैजाने नियोजित प्रयास भइरहेको संकेत गर्दछ । जिम्मेवारीमा वसेपछि जिम्मेवार र जवाफदेही वन्नै पर्दछ ।
— shankar.pokhrel (@shankarpokhrel8) April 8, 2023
प्रतिक्रिया