दाङमा ट्रकको ठक्करबाट मोटरसाईकलमा सवार २ जनाको मृत्यु

दाङ । दाङमा ट्रकले मोटरसाईकललाई ठक्कर दिँदा मोटरसाईकलमा सवार दुइ जनाको मृत्यु भएको छ । भैरहवाबाट मल लिएर तुलसीपुर जाँदै गरेको लु २ख ३८१ नम्बरको ट्रकले घोराही उपमहानगरपालिका –११ खैरा नजिकै लु ७३ प ११६२ नम्बरको मोटरसाइकललाई ठक्कर दिदा मोटरसाइकलमा सवार दुबै जनाको मृत्यु भएको प्रहरीले जनाएको छ ।

प्रहरीका अनुसार मृत्यु हुनेमा घोराही उपमहानगरपालिका –११ खैरा निवासी २६ वर्षका सन्देश बस्नेत र १७ वर्षका गोपाल विक रहेका छन् । मृतक दुबैको शब राप्ती स्वास्थ्य विज्ञान प्रतिष्ठानमा राखिएको जिल्ला प्रहरी कार्यालय दाङका प्रवक्ता राजन गौतमले जानकारी दिए ।

तुलसीपुर तर्फ गइरहेको ट्रकलाई मोटरसाइकलले उछिन्न खोज्दा दुर्घटना भएको बताइएको छ । ट्रक चालक नवलपरासी ३ पिपराका धु्रवकुमार यादवलाई नियन्त्रणमा लिइ अनुसन्धान थालिएको प्रहरीले जनाएको छ ।