काठमाडौं । एसीसी प्रिमियर कप क्रिकेटमा नेपालले मलेसियालाई पराजित गर्दै विजयी सुरुवात गरेको छ ।
त्रिवि क्रिकेट मैदान कीर्तिपुरमा आज भएको पहिलो खेलमा नेपालले मलेसियालाई ६ विकेटले हराएको हो ।
टस हारेर पहिले फिल्डिङ गरेको नेपालले मलेसियालाई २३५ रनमा सीमित गरेको थियो । मलेसियाले ५० ओभरमा ९ विकेट गुमाएर २३५ रन बनाएको थियो ।
२३६ रनको लक्ष्य पाएको नेपालले ३६. २ ओभरमा ४ विकेट गुमाएर पूरा गर्यो । नेपालका लागि भीम सार्कीले ७१ रन बनाएर टिमलाई जिताउन मुख्य भूमिका खेले । यस्तै, कुशल मल्ल पनि ७० रनमा नटआउट रहे । रोहित पौडेलले ४२ र कुशल भुर्तेलले ३८ रन बनाए । आसिफ सेख भने १ रनमै आउट भएका थिए ।
नेपालका लागि सन्दीप लामिछाने र सोमपाल कामीले ३(३ विकेट लिए ।
प्रतिक्रिया