वैशाख २४ गते बजेट अधिवेशन बोलाउन राष्ट्रपतिलाई सिफारिस

काठमाडौं । सरकारले संसदको बजेट अधिवेशन यही वैशाख २४ गते बोलाउन सिफारिस गरेको छ ।

मन्त्रिपरिषद्को आज बसेको बैठकले बैशाख २४ गते बजेट अधिवेशन बोलाउन राष्ट्रपतिलाई सिफारिस गर्ने निर्णय गरेको हो ।

बजेट अधिवेशनमा सरकारको आगामी आर्थिक वर्ष २०८०/८१ को वार्षिक नीति तथा कार्यक्रम र बजेट पेश र पारित हुनेछ ।

संविधानअनुसार हरेक वर्ष जेठ १५ गते नयाँ आर्थिक वर्षको बजेट पेश गर्नुपर्छ ।

सरकारको सिफारिसअनुसार राष्ट्रपतिले संसदको अधिवेशन आह्वान गर्छन् ।