विश्व प्रेस स्वतन्त्रता दिवसको अवसरमा बुटवलमा प्रभातफेरी

बुटवल । विश्व प्रेस स्वतन्त्रता दिवसको अवसरमा बुटवलमा प्रभातफेरी गरिएको छ । नेपाल पत्रकार महासंघ रुपन्देहीको आयोजनामा गरिएको प्रभातफेरी बुटवलको ट्राफिकचोकबाट सुरु भएर पत्रकार महासंघ रुपन्देहीको कार्यालय परिसरमा पुगेर समापन भएको थियो ।

प्रभातफेरिमा विभिन्न सञ्चारसम्बद्ध संघ संगठनहरु तथा राजनीतिक दल निकट पत्रकार संस्थाहरुको सहभागीता रहेको थियो ।

प्रभातफेरिको आरम्भ गर्दै नेपाल पत्रकार महासंघ रुपन्देहीका अध्यक्ष रामराज पोखरेलले पछिल्लो समय प्रेस विरोधी क्रियाकलाप कमी हुँदै गएपनि बेलाबखत प्रेस माथि आक्रमण हुने सृङ्खला नरोकिएको बताए । उनले अझै पनि पत्रकारहरु पेशागत र भौतिक सुरक्षाको जोखिममा रहेको उनले बताए ।

प्रभातफेरी शुभारम्भको अवसरमा पत्रकार महासंघ रुपन्देहीका उपाध्यक्ष विश्वास ढकालले सहभागीलाई स्वागत गर्दै प्रभातफेरिमा सहभागिता जनाइदिने सबैलाई धन्यवाद दिएका थिए ।