भैरहवा । नेपालगन्जबाट यात्रु लिएर शुक्रबार राती ८ बजे काठमाडौका लागि उडेको बुद्ध एअरको जहाज भैरहवा बासबस्न पुगेको छ । खराब मौसमका कारण काठमाडौमा अवतरण गर्न नसकेपछि उडान भएको २ घण्टा ८ मिनेट पछी राती १० बजेर ८ बजेको समयमा गौतम बुद्ध अन्तर्राष्ट्रिय विमानस्थल भैरहवामा अवतरण गरेको हो ।
मध्यरातीसम्म पनि काठमाडौंको मौसममा सुधार नभएपछि विमानमा सवार यात्रुहरूलाई बुद्ध एअरकै व्यवस्थापनमा भैरहवामा बस्न र खानेको व्यवस्था मिलाएको विमानमा सवार एक यात्रुले बताए ।
सो विमानको पाइलटको फ्लाइट आवरको समय सकिएपछि यात्रुहरुलाई कम्पनीले भैरहवामै राख्ने व्यवस्था गरेको बताइएको छ । जहाज शनिबार बिहान ९ बजेमात्र उड्ने सूचना यात्रुलाई दिइएको विमानमा सवार प्रेस सेन्टरका केन्द्रीय सदस्य डक्ट धितालले बताए ।
भैरहवा विमानस्थलमा शुक्रबार देशका विभिन्न स्थानबाट काठमाडौका लागि उडेका चारवटा विमानहरु डाइभर्ट भएर आएको बताइएको छ ।
प्रतिक्रिया