३ फाल्गुन २०८१, शनिबार | February 16, 2025

विश्व वातावरण दिवसको अवसर पारी बुटवलमा पर्यावरण संरक्षण समाजको गठन



बुटवल । विश्व वातावरण दिवस (जुन ५) को अवसरमा पारी पर्यावरण संरक्षण अभियान सञ्चालन गर्ने उद्देश्यले बुटवलमा सोमबार सम्पन्न एक भेलाले ‘पर्यावरण संरक्षण समाज नेपाल’को गठन गरेको छ । पर्यावरण संरक्षण गर्ने उद्देश्यले स्थापना गरिएको संस्थामा ७ सदस्यीय तदर्थ समिति गठन गरिएको छ ।

गँगा पोखरेलको संयोजकत्वमा बनेको समितिले संस्थाको विधान निर्माण, संगठन विस्तार तथा आवश्यक कानूनी प्रक्रिया पूरा गरी पुनः वृहत भेलाको आयोजना गर्ने बताइएको छ । सदस्यहरुमा शान्ता पन्त भट्ट, मिन तिवारी, गणेश घिमिरे, गिरी श्रीस मगर, दिलिप ज्ञवाली र माधव गौतम रहेका छन् । मुख्य कार्यक्षेत्र रुपन्देहीलाई गराउने गरी गठन गरिएको संगठनले ‘से नो टु प्लाष्टिक’ भन्ने तत्कालिन मूल नाराका साथ प्लाष्टिकजन्य पदार्थको प्रयोगलाई निरुत्साहित गर्ने अभियान सञ्चालनका लागि तयारी गर्ने भएको छ ।

वातावरण प्रदुषणमा सबैभन्दा ठूलो चुनौतीका रुपमा रहेको प्लाष्टिकजन्य पदार्थ नियन्त्रणका लागि विभिन्न व्यवसायीक तथा सामाजिक संघ संस्थाका साथै सरकारी निकाय वा तहहरुसँग पनि सहकार्य गरी अघि बढ्ने लक्ष्य लिइएको संयोजक पोखरेलले बताइन् ।

सन् १९७२ मा संयुक्त राष्ट्र संघको महासभाले जुन ५ लाई विश्व वातावरण दिवसको रूपमा तोकेको थियो । पहिलो उत्सव, ‘केवल एक पृथ्वी’ नारा अन्तर्गत १९७३ मा भएको थियो। सोही अनुसार हरेक वर्ष विश्व समुदायले मनाउँदै आएको वातावरण दिवसलाई सार्थक बनाउनका लागि वर्षभरी नै अभियान सञ्चालन गर्ने उद्देश्यसाथ संस्था गठन गरिएको संयोजक पोखरेलले बताइन् ।

प्रकाशित मिति : २२ जेष्ठ २०८०, सोमबार  ११ : ४३ बजे

पाल्पामा ११ महिनामा ‘साइबर’ अपराधका ५३ उजुरी

पाल्पा । जिल्लामा ११ महिनाको अवधिमा ‘साइबर’ अपराधका ५३ उजुरी

‘वर्षा हुने बलियो मौसम प्रणाली छैन’

काठमाडौँ । पश्चिमी न्यून चापीय प्रणालीका कारण आज काठमाडौँ उपत्यकासहित

पेट्रोलको मूल्य बढ्यो, डिजेल/मट्टीतेलको घट्यो

काठमाडौँ । नेपाल आयल निगमले पेट्रोलको मूल्य बढाएको छभने डिजेल

बाँकेमा १५ वर्षिया किशोरी बलात्कृत, अत्याधिक रक्तश्राव भएपछि अस्पताल भर्ना, एकजना पक्राउ

नेपालगन्ज । बाँकेको नरैनापुरमा एकजना १५ वर्षिय किशोरी बलात्कृत भएकी

पत्रकार महासंघको वनभोजमा डुडुवाको प्रतिबद्धता : महासंघ भवनमा सेमिनार हल बनाईदिने

नेपालगन्ज । लामो समयदेखि निरन्तरता पाउन नसकेको बाँकेका पत्रकारहरुबीचको पत्रकार