काठमाडौं । गैर आवासीय नेपाली संघ (एनआरएनए) अमेरिकाको अध्यक्ष पदमा डिलु पराजुलीले उम्मेदवारी घोषणा गरेका छन् ।
पराजुलीले सन् २०२३–२५ कार्यकालको नेतृत्वका लागि उम्मेदवारी घोषणा गरेका हुन् ।
‘गैर आवासीय नेपालीका साझा चासो र सरोकारमा ठोस योजना सहित कार्यान्वयन गराउन तागत भएको व्यक्तिले मात्र गैर आवासीय नेपाली सङ्घ अमेरिकालाई थप उचाइ दिन सक्छ ।’, उम्मेदवारी घोषणा गर्दै उनले भनेका छन्, ‘गफ होइन काम, समर्पण र साथ–सहयोगले मात्र समाजको सुखदुखको सच्चा सारथि बन्न सकिन्छ । यही विश्वासका साथ गैर आवासीय नेपाली सङ्घ अमेरिकाका लागि २०२३–२५ कार्यकालको नेतृत्वका लागि आफ्नो उम्मेदवारी दिने निष्कर्षमा पुगेको छु ।’
प्रतिक्रिया