बुटवलमा भेटियो गाँजाको खेती, प्रहरीबाट फँडानी

बुटवल । संसदमा गाँजा खेतीलाई वैधानिकता दिने बहस चलिरहेका बेला रुपन्देहीको बुटवल उपमहानगरमा गाँजा खेती भइरहेको पाइएको छ । बुटवल ११ देवीनगरमा प्रहरीले गाँजाको खेती फेला पारेको हो ।

नगरभित्रै गाँजा खेती भएको सूचना पाएपछि वडा प्रहरी कार्यालयको टोली पुगेर गाँजा खेती नष्ट गरेको वडा प्रहरी कार्यालय रामनगरले जनाएको छ ।

बुटवल उपमहानगर ११ देवीनगर तथा आसपास अन्तर्गत विभिन्न स्थानहरुमा अवैध रुपमा खेती गरिएको गाँजाका बोटहरु फडानी गरीएको वडा प्रहरी कार्यालय प्रमुख प्रहरी निरक्षिक अर्जुन पौडेलले जानकारी दिए ।

फडानी गरिएको गाँजाको बोटलाई तत्काल स्थानीयबासी र जनप्रतिनीधीको रोहवरमा नष्ट गरिएको पनि उनले बताए ।