धनगढी । सुदूरपश्चिम प्रदेशको आन्तरिक मामिला तथा कानुन मन्त्री पृथ्वी बहादुर सिंह सवार गाडी दुर्घटना भएको छ ।
सुदुरपश्चिम प्रदेश सरकारका आन्तरिक मामिला तथा कानुन मन्त्री सिंह सवार डडेल्धुराबाट बझाङ चैनपुर आउँदै गरेको सुपप्र ०१००१ झ ४८० नम्बरको गाडी केदारस्युँ गाउँपालिकाको धारछडा भन्ने ठाउँमा सडकबाट अन्दाजी ५० मिटर तल कालंगा खोला किनारमा खसेको प्रहरीले जनाएको छ ।
प्रहरीका अनुसार दुर्घटनामा परि मन्त्री सिंह सहित ५ जना घाइते भएका छन् । दुर्घटनामा परि मन्त्री सिहंकि श्रीमती अम्रिता देवी सिंह,चालक धर्मराज जोशी, सुरक्षा गार्ड डम्बर भण्डारी र मन्त्री सिंहकी आफन्त जानकी देवी सिंह घाईते भएका छन ।
मन्त्री सिंह बेहोस छन् भने उहाँकी श्रीमतीको कान बाट रगत बगीरहेको प्रहरीले बताएको छ ।
भाईतेहरुको केदारस्युँ गाउँपालिका १ देउरास्थित ऋृतु पोलिक्लिनिकमा उपचार भइरहेको प्रहरीले जानकारी दिएको छ । अन्य घाइते ४ जनाको रायल प्राथमिक स्वास्थ केन्द्र देउरामा उपचार भइरहेको छ । घटनाबारे थप विवरण आउन बाँकी छ।
प्रतिक्रिया