काठमाडौं । आईसीसी विश्वकप छनोटको प्लेअफ खेलमा युएईले नेपाललाई मध्यम लक्ष्य दिएको छ । जिम्बावेको ताकाशिंगा स्पोर्ट्स क्लबमा टस हारेर पहिला ब्याटिङ थालेको युएईले ४६.४ ओभरमा १० विकेट गुमाउँदै १८१ रन बनाएको छ ।
युएईका लागि कुनै पनि खेलाडीले अर्धशतकिय पारी खेल्न सकेनन् । ओपनर आसिफ खान शून्य रनमै आउट हुँदा अर्का ओपनर आर्यन शर्माले २८ रन जोडे ।
वृत्य अरविन्दले ४४ रन, रमीज शहजादले १० रन, रोहन मुस्तफाले ३५ रन, बासिल हमिदले २९ रन, अली नसीरले ४ रन, संचित शर्माले १२ रन, पलानियापन मयप्पनले ५ रन र मुहम्मद जवाद उल्लाहले १ रनको योगदान गरे ।
नेपालका लागि सन्दीप लामिछाने र करन केसीले तीन-तीन विकेट लिए भने प्रतिश जी.सी, गुलसन झा र दिपेन्द्र सिंह ऐरीको नाममम एक-एक विकेट रह्यो ।
प्रतिक्रिया