नेपालगन्ज । भारतीय दर्शकलाई समेत लक्षित गर्दै नेपालगन्जमा अत्याधुनिक सिनेमा हल संचालन गरिएको छ । नेपाल भारत सीमानाका नजिकै आदर्शनगरमा बिहीवारदेखि अत्याधुनिक लक्जरी मल्टिप्लेक्स हल ‘सिने रोयल’ संचालनमा आएको हो ।
२५ करोड लागतमा अत्याधुनिक सिनेमा हल निर्माण गरिएको हल नेपालकै पहिलो ‘थ्री वे जेबिएल डल्बी एटमस साउण्ड सिस्टम र बार्को कम्पनीको लेटेस्ट प्रोजेक्शन’मा आधारित ३ वटा स्क्रिन भएको सिनेमा हल भएको संचालकले दाबी गरेका छन् । सिने रोयलको २ सय ५० क्षमताको दुई वटा हल तथा १ सय ५० सिट क्षमताको एउटा हल रहेको ‘सिने रोयल’का प्रबन्ध निर्देशक डा. राहुल थापाले बताए ।
उदघाटनका अवसरमा आमन्त्रित पत्रकारहरुलाई हलबारे जानकारी गराइएको थियो । बिहीवार पहिलो दिन आमन्त्रितहरुलाई निःशुल्क फिल्म समेत देखाइएको थियो ।
नेपालगन्ज उपमहानगरपालिका वडा नम्बर १० आदर्शनगरमा निर्माण भएको हलमा शुक्रवारदेखि सर्वसाधारणले फिल्म हेर्न पाउने प्रबन्ध निर्देशक डा.थापाले बताए। अत्याधुनिक सुबिधा रोज्ने दर्शक तथा भारतबाट नेपालमा आउने दर्शकहरुलाई सुबिधा सम्पन्न सेवा दिने लक्ष्य सहित सिनेमा हल निर्माण भएको उनले बताए ।
प्रतिक्रिया