कोशी प्रदेशका सभामुख गौतमले राजीनामा दिँदै

काठमाडौं । कोशी प्रदेशका सभामुख बाबुराम गौतमले पदबाट राजीनामा दिने भएका छन्।

सभामुख गौतमले राजीनामा दिएसँगै सत्तारुढ गठबन्धनले प्रदेशमा नयाा सरकार गठनका लागि पुनः दाबी पेश गर्ने भएको छ ।
यसअघि आफुले राजीनामा नदिने बताउँदै आएका सभामुख गौतमले प्रधानमन्त्री पुष्पकमल दाहाल प्रचण्डको सुझाव पछि राजीनामा दिन तयार भएका हुन् ।

सभामुखको संख्या विना गठबन्धनले नयाँ सरकार गठन गर्न नसक्ने भएपछि सभामुखलाई राजीनामा गराउन लागिएको हो । गौतमले प्रदेशसभा सचिवालयमा राजीनामा बुझाउने तयारी गरेका छन् ।

प्रदेश प्रमुख परशुराम खापुङले आज साँझ ५ बजेसम्म दलहरूलाई मुख्यमन्त्री दाबी गर्न समय दिएका छन् ।
प्रदेशमा सभामुख बाहेक सत्ता गठबन्धन र विपक्षीहरुबीच बराबर ४६ संख्या रहेको छ । सभामुखले राजीनामा दिएमा भने सत्ता गठबन्धनसँग ४७ संख्या हुनेछ ।