काठमाडौं । त्रिभुवन विमानस्थलबाट आज मध्यान्ह भैरहवाको लागि उडेको बुद्ध एयरको जहाजमा समस्या आएपछि काठमाडौंमा अवतरण गरेको छ । उडान नम्बर ८५७ को जहाज ‘इन्डिकेटर’मा समस्या आएपछि १० माइल पुगेर फर्केको हो ।
विमानस्थलबाट उडेको १३ मिनेटमा जहाजको इन्डिकेटरमा समस्या आएको बताइएको छ । १ः४० मा उडेको जहाज १ः५३ मा सिङ्गल इन्जिनमा त्रिभुवन विमानस्थल मै ल्यान्ड गरेको थियो । जहाज १० माइल टाढा पुगेर काठमाडौंमा ल्यान्ड गरेको विमानस्थलका प्रवक्ता सुवास झाले बताए ।
भैरहवाको लागि १ः४० मा उडेको विमानको इन्डिकेटरमा समस्या देखिएपछि १ः५३ मा सिङ्गल इन्जिनमा ल्यान्ड गरेको प्रवक्ता झाले बताए । पछि यात्रुलाई अर्को विमानबाट भैरहवा पठाइएको छ । जहाजमा के कारण समस्या आएको हो, चेकजाँच गर्दै छ ।” उनले भने ।
जहाजमा ७० जना यात्रु रहेका थिए । ती यात्रुलाई अर्को जहाजमा भैरहवा पठाइएको छ ।
प्रतिक्रिया