नेपालगन्ज । नेपालगन्जमा एक जना ब्यवसायीको करेन्ट लागेर मृत्यु भएको छ । नेपालगन्ज उपमहानगरपालिका वडा नं. ३ स्थित एकलैनी मोड नजिक गुप्ता भाडा पसलका संचालक फुल चन्द गुप्ताको आइतबार बिहान करेन्ट लागेर मृत्यु भएको हो ।
घरको इनभर्टर बनाउने क्रममा करेन्ट लागेर अन्दाजी ४५ वर्षीय फुल चन्द गुप्ताको मृत्यु भएको प्रहरीले जनाएको छ ।
आइतबार बिहान करीब ६ बजेतिर घरको इनभर्टरको तार निकालने क्रममा करेन्ट लागेर उनी गम्भीर घाइते भएका थिए । उपचारका लागि भेरी अस्पताल लगिएकोमा उपचारकै क्रममा अस्पतालमा उनको मृत्यु भएको उनका छोरा सहिल गुप्ताले बताए ।
उनको अन्तिम संस्कार हिन्दु परम्परा अनुसार स्थानीय बुलबुलिया स्मशान भूमीमा गरिएको छ ।
प्रतिक्रिया