काठमाडौं । ६० किलो सुन तस्करी प्रकरणमा नेपाल प्रहरीको केन्द्रीय अनुसन्धान ब्यूरो सीआईबीले पूर्वउपराष्ट्रपति नन्दकिशोर पुनका छोरा दिपेश पुनसँग बयान लिएको छ ।
सीआईबीले पुनलाई बोलाएर बयान लिएको हो । सुन तस्करी प्रकरणका आरोपीहरुसँग पुनको निकै नजिकको सम्बन्ध रहेको देखिएपछि सीआईबीले बयान लिएको हो । पुन र तस्करीका आरोपी दाब छिरिङबीच व्यापारिक साझेदारी नै रहेको रिपोर्ट सार्वजनिक भएका छन् । छिरिङले विवाह गरेकी रोल्पाकी अमला रोकामगरसँग पुन परिवारको सम्बन्ध रहेको छ । छिरिङ र अमलासहित पुन दुई वर्ष अघि हेलिकोप्टरमा गोसाईंकुण्डको भ्रमणमा गएको सार्वजनिक भएको थियो ।
गत साउन ३ गते त्रिभुवन अन्तराष्ट्रिय विमानस्थल हुँदै मोटरसाइकलको ब्रेकसुसहितको सुन राजश्व अनुसन्धान विभागले बरामद गरेको थियो । सो सुन तस्कर िप्रकरणमा हालसम्म ६ जना विदेशीसहित २५ जना पक्राउ परिसकेका छन् । पहिला राजस्व अनुसन्धान विभागले अनुसन्धान गरिरहेको यो प्रकरणमाथि अहिले सीआईबीले अनुसन्धान गरिरहेको छ ।
प्रतिक्रिया