पाल्पा । पाल्पामा मोटरसाइकल र जीप ठोक्किदा घाइते भएका एक जनाको काठमाडौंमा उपचारका क्रममा मृत्यु भएको छ । मृत्यु हुनेमा मोटरसाइकल चालक पाल्पा जिल्ला बगनासकाली गाउँपालिका ७ का बर्ष २८ का सुदन भट्टराई रहेको प्रहरीले जनाएको छ ।
बुधबार बिहान करिब साढे ११ बजेको समयमा बगनासकाली ९ चाप्पानीमा तानसेनबाट खानीगाउँतर्फ जादै गरेको लु ५५ प ६८५६ नम्बरको मोटरसाइकल र बिपरित दिशाबाट आउँदै गरेको लु १ ज १७५९ नम्बरको जीप एक आपसमा ठोक्किँदा घट्टराई गम्भीर घाइते भएका थिए ।
गम्भीर घाईते भट्टराइको तानसेन स्थित युनाइटेड मिसन अस्पतालमा उपचार हुन नसकेपछि हेलिकप्टरबाट काठमाडौं स्थित ग्राण्डी अस्पताल पठाइएकोमा उपचारको क्रममा बुधबार साँझ करिब ६ बजे मृत्यु भएको जिल्ला प्रहरी कार्यालय पाल्पाका सूचना अधिकारी सन्तोष चन्दले जानकारी दिएका छन् ।
ठक्कर दिने जीप चालक र जीप प्रहरी नियन्त्रणमा रहेको र घटनाको सम्बन्धमा थप अनुसन्धान जारी रहेको प्रहरीले जनाएको छ ।
प्रतिक्रिया