काठमाडौं । काठमाडौंको गौशालामा गोली चलेको छ । गोली प्रहारबाट एक जना घाइते भएका छन् । घाइतेको खुट्टामा चोट लागेको छ ।
गौशालाको शारदा माध्यमिक विद्यालय नजिकै सोमबार दिउँसो एक जना व्यक्तिमाथि गोली प्रहार भएको हो । गोली प्रहारबाट घाइते भएका व्यक्तिलाई सिनामंगलस्थित काठमाडौं मेडिकल कलेज लगिएको छ । घाइतेको परिचय खुल्न बाँकी छ ।
गोली प्रहार गर्ने व्यक्तिले चुप्पी र कटुवा पेस्तोल छाडेर फरार भएको प्रहरी स्रोतले जनाएको छ । कालो सर्ट, कालो पाइन्ट, सर्टको बाहुला च्यातिएको तराई मुलको जस्तो देखिने व्यक्ति गोली प्रहार गरी फरार रहेको बताइएको छ ।
प्रतिक्रिया