नेपालगन्ज । भन्सार गेटबाट १ सय रुपैंया भन्दा बढीको सामान भन्सार नगराई नेपाल छिर्न नदिन भन्सार विभागले भन्सार कार्यालयहरुलाई निर्देशन दिएपनि नेपालगन्ज भन्सार छलेर नेपालगन्ज हुँदै सुर्खेत पुगेको बिना भन्सारको चिनी सुर्खेत प्रहरीले बरामद गरेको छ ।
शनिवार राती ८ बजे नेपालगन्जबाट दैलेख लगिँदै गरेको १ लाख ५२ हजार बराबरको अवैध चिनी सुर्खेतमा बरामद भएको प्रहरीले जनाएको छ । प्रहरीका अनुसार ५० केजीको २६ बोरा र २५ केजी को २४ बोरा गरी जम्मा सानो ठुलो गरी ५० बोरा चिनी सुर्खेत सुब्बाकुना चेक पोष्टबाट बरामद गरेको हो ।
सुब्बाकुना चेक पोष्टमा चेकजाँचका क्रममा प्रहरी टोलीले नेपालगन्जबाट दैलेख तर्फ जादै गरेको भे १ ख ३१४४ नम्बरको ट्रकलाई जाचँ गर्दा लुकाई छिपाई राखेको बिल नभएको अवैध चिनीको बोराहरु बरामद गरिएको जिल्ला प्रहरी कार्यालय सुर्खेतका सुचना अधिकारी प्रहरी नायव उपरीक्षक लक्ष्मण बहादुर शाहीले जानकारी दिए ।
भन्सारमा साधारण उपभोक्तालाई १ सय बढीको सामानको भन्सार असुल गरिएको भन्सार कार्यालयले बताएपनि फुटकर क्यारिङ गर्नेहरुले हरेक दिन लाखौंको सामान नेपालगन्जको मुल भन्सार गेट हुँदै भित्राउने गरेको नेपालगन्जका एक ब्यापारीले बताए ।
प्रतिक्रिया