काठमाडौं । नेपालले प्यालेस्टायनको गाजा क्षेत्रमा रहेको अस्पतालमाथि भएको मिसाइल हमलाको नेपालले निन्दा गरेको छ ।
बुधबार राति गाजाअल अहली अस्पतालमा इजरायलले मिसाइल आक्रमण गरी त्यहाँ आश्रय लिइरहेका सयौं प्यालेष्टायनी महिला र वालवच्चाको हत्या गरेको थियो । तर, इजरायलले सो आक्रमण आफुले नगरेको भन्दै इस्लामिक जेहादको मिसाइल प्रक्षेपण फेल हुँदा घटना भएको दाबी गरेको थियो । अमेरिकाले पनि इजरायलकै पक्ष लिँदै हमलामा तेस्रो पक्षको हात रहेको बताएको थियो ।
परराष्ट्र मन्त्रालयले बिहीबार जारी गरेको वक्तव्यमा हमला कसले गरेको उल्लेख नगरे पनि अस्पताल, स्वास्थ्यकर्मी, बिरामी र सर्वसाधारणमाथिका आक्रमणको निन्दा गरिएको छ । अस्पतालमा निर्दोष नागरिकको हत्या भएकोमा नेपाल सरकार स्तब्ध भएको विज्ञप्तिमा उल्लेख छ ।
विज्ञप्तिमा भनिएको छ, ‘अस्पताल, स्वास्थ्यकर्मी, बिरामी र सर्वसाधारणमाथि भएको यस आक्रमणको हामी निन्दा गर्दछौं र शोकसन्तप्त परिवारजनमा हार्दिक समवेदना व्यक्त गर्दछौं । घाइतेहरुको शीघ्र स्वास्थ्यलाभको कामना गर्दछौं ।’
नेपालले सबै विवादको समाधान शान्तिपूर्ण वार्ताबाट समाधान गर्न आग्रह पनि गरेको छ ।
प्रतिक्रिया