बुटवल । पाल्पाको रानीमहल दरबार नजिकै जीप दुर्घटना हुँदा ६ जनाको मृत्यु भएको छ । बाग्मती प्रदेशको ७२०९ नं जीप दुर्घटना हुँदा ६ जनाको मृत्यु भएको हो । प्रहरीका अनुसार दुर्घटनामा परि जीप चालक गम्भीर घाइते भएका छन् ।
दुर्घटनामा मृत्युहुनेहरुमा तीन महिला, दुई बालक र एक पुरुष रहेका छन् ।
सो जीप पाल्पाको बैकुन्ठे पहाडबाट तल बराङ्गदी खोलामा खसेको हो । पर्यटकीय स्थल रानीघाट दरबार नजिकै बैकुण्ठे भीरबाट जीप खोँचमा खसेका कारण उद्दारमा समस्या आएको प्रहरीको भनाई छ । अहिले घटनास्थलमा नेपाली सेना र प्रहरीको टोली उद्धार खटिएको प्रदेश प्रहरी कार्यालय दाङले जनाएको छ । दुर्घटनास्थल सदरमुकाम तानसेनदेखि ११ किलोमिटर टाढा पर्छ ।
प्रतिक्रिया