नेपालगन्ज । बाँके प्रशासनले बडादसैंका अर्कोदिन दुर्गा मुर्ती विसर्जनका लागि समयसिमा निर्धाण गरेको छ । जिल्लामा शान्ति सुरक्षा कायम राख्न भन्दै प्रशासनले मुर्ती विसर्जनको समयसिमा निर्धारण गरेको हो ।
बाँकेका प्रमुख जिल्ला अधिकारी श्रवण कुमार पोखरेललले एक सूचना जारी गर्दै मुर्ती विसर्जन अघि दुर्गा भवानीको पूजा स्थलमा दिनको १२ः०० बजे अघि नै पूजन कार्य समापन गर्न आग्रह गरेका छन् । सूचनामा बिधिपूर्वक पूजाअर्चना सकेपश्चात स्थानीय प्रहरी ईकाईसंग समन्वय गरि विसर्जनस्थल तर्फ प्रस्थान गर्ने व्यवस्था गर्न भनिएको छ ।
प्रजिअ पोखरेलले जारी गरेको सूचनामा दुर्गा भवानीको मुर्ती विसर्जन र्याली अत्यन्तै मर्यादित , अनुशासित ,शान्त एवं शौम्य तुल्याउनु अनुरोध गर्दै सांझ ५ः०० बजे अघि नै मुर्ती विसर्जन कार्य सम्पन्न गर्न आग्रह गरिएको छ । समयसिमाले ट्राफिक ब्यवस्थापन तथा प्रभावकारी शान्ति सुरक्षा कायम गर्न र भक्तजनहरुलाई समेत उज्यालोमा नै घाटसम्म पुग्न र घर फर्कन सहज हुने उल्लेख गरिएको छ ।
प्रजिअ पोखरेलले साँझ ५ः०० बजे अघि नै मुर्ती बिसर्जन हुने बातावरण निर्माण गरिदिन सै दुर्गापूजा समिति तथा भक्तजनहरुलाई आग्रह गरेका छन् । प्रशासनले साविकदेखि नै प्रयोगमा आइरहेको र्याली मार्गमा भने कुनै परिवर्तन नगरिएको सूचनामा उल्लेख छ ।
बिसर्जन र्यालीमा घुसपैठ वा अवान्छित गतिबिधि निस्तेज पार्न र र्यालीलाई शान्त र सौहार्द्वपूर्ण वातावरणमा सम्पन्न गर्न ड्रोन र अन्य उपकरणबाट समेत निगरानी हुने तथा ताजा तस्विर क्याप्चर गरि अवलोकन गरिने पोखरे्लले जनाएका छन् ।
उनले कानून बिपरितका गतिबिधिमा संलग्न जो कोहीलाई ड्रोन, अन्य उपकरणबाट लिइएको तस्विर/भिडिओको आधारमा समेत प्रचलित कानून बमोजिम कडा कारवाही गरिने हुँदा र्यालीमा सहभागी सवै भक्तजनहरुले निस्चिन्त भइ मर्यादित ढंगबाट मुर्ती विसर्जन अनुष्ठान सम्पन्न गर्न अनुरोध समेत गरेका छन् ।
प्रतिक्रिया