काठमाडौं । उपप्रधानमन्त्री एवम् गृहमन्त्री नारायणकाजी श्रेष्ठ स्वदेश फर्किएका छन् । उनी आज काठमाडौं आइपुगेका हुन् ।
चीनमा रहँदा उनलाई हृदयाघात भएपछि अस्पताल भर्ना भएका थिए । उनी बेइजिङस्थित पेकिङ युनियन मेडिकल कलेजबाट कात्तिक ६ गते डिस्चार्ज भएका थिए ।बीआरआई सम्बन्धी कार्यक्रममा सहभागी हुन चीनको राजधानी बेइजिङ गएको बेला उनलाई हृदयघात भएको थियो ।
अस्पतालमा पाँचदिने उपचार पश्चात स्वास्थ्य लाभ गरी श्रेष्ठ आज बिहान स्वदेश फर्किएको उनको सचिवालयले जनाएको छ ।
मन्त्री श्रेष्ठ कात्तिक ३ गते नै स्वदेश फर्किने पूर्व निर्धारित तालिका रहे पनि बिरामी भएका कारण आज मात्रै स्वदेश फर्किएका हुन् ।
प्रतिक्रिया