बुटवल । बुटवल बसपार्कबाट एकजना पेशेवर पकेटमारलाई बुटवल प्रहरीले पक्राउ गरेको छ । सार्वजनिक सवारीका साधन तथा सार्वजनिक थलोहरुमा लुटपाट गर्ने र पकेटमारको काम गर्ने एक पुरुषलाई बुटवल प्रहरीले पक्राउ गरेको हो ।
पक्राउ पर्नेमा बुटवल उप(महानगरपालिका वडा नम्बर ११ प्रगतिनगर बस्ने ४६ वर्षीय प्रवेश बस्याल रहेको ईलाका प्रहरी कार्यालय बुटवलले जनाएको छ ।
प्रहरीले बस्याललाई आइतबार बेलुका बुटवल(९ नयाँ बसपार्कबाट पक्राउ गरेको हो । प्रहरीका अनुसार बसपार्क क्षेत्रमा रातीको समयमा लुटपात गर्ने र सवारी साधनमा यात्रुहरुको पाकेट मार्ने गरिएको गुनासो आएपछि प्रहरीले बसपार्क क्षेत्रमा निगरानी बढाएको थियो । बस्यालले बुटवल(भैरहवा सडक खण्डमा चल्ने सार्वजनिक यातायातमा सवार गर्ने यात्रुहरुलाई लुटपाट तथा पकेटमार गर्ने गरेको इलाका प्रहरी कार्यालय बुटवलका प्रमुख डीएसपी दानबहादुर थापाले बताए ।
उनलाई लुटपात तथा चोरी अभियोगमा रुपन्देही जिल्ला अदालतबाट म्याद थप लिई अनुसन्धान भई रहेको प्रहरीले जनाएको छ ।
प्रतिक्रिया