काठमाडौं । जाजरकोटमा गएको शक्तिशाली भूकम्पबाट भएको क्षतिप्रति चिनियाँ राष्ट्रपति सी चिनफिङले स्तब्ध भएको बताएका छन् ।
राष्ट्रपति सीले नेपाली समकक्षी रामचन्द्र पौडेललाई शोक सन्देश पठाउँदै भूकम्पबाट भएको मानवीय क्षतिप्रति समवेदना प्रकट गरेका हुन् ।
सीले सन्देशमा – ‘नेपालको कर्णाली प्रदेशमा गएको शक्तिशाली भूकम्पबाट ठूलो मानवीय तथा भौतिक सम्पत्तिको क्षति भएको थाहा पाएर आफू स्तब्ध भएको’ बताएका छन् ।
‘चिनियाँ सरकार र जनताको तर्फबाट सीले मृतकहरूप्रति गहिरो श्रद्धान्जली प्रकट गर्दै शोकसन्तप्त परिवार र घाइतेहरूप्रति गहिरो समवेदना प्रकट गर्नुभयो र घाइतेहरूको शीघ्र स्वास्थ्य लाभको कामना गर्नुभयो।’, नेपालका लागि चिनियाँ राजदूत चेन सोङले सीको सन्देशलाई उदृद्ध गर्दै भनेका छन् ।
सीले पौडेल र नेपाल सरकारको नेतृत्वमा भूकम्प प्रभावित क्षेत्रका जनताले अप्ठ्यारो पार गरी सकेसम्म चाँडो घर निर्माण गर्न सक्ने विश्वास व्यक्त गर्दै नेपाललाई आवश्यक विपद् सहयोग गर्न चीन इच्छुक रहेको बताएका छन् ।
चिनियाँ प्रधानमन्त्री ली छ्याङले पनि प्रधानमन्त्री प्रचण्डलाई सन्देश पठाउँदै मृतकहरुप्रति श्रद्धान्जली अर्पण गरेका छन् । उनले मृतकका परिवारहरुप्रति समवेदना प्रकट गरेका छन् भने घाइतेहरुको शीघ्र स्वास्थ्य लाभको कामना गरेका छन्
प्रतिक्रिया