नेपालगन्ज। बाँकेको नरैनापुरमा बेवारिसे अवस्थामा एक पुरुषको शव फेला परेको छ । नेपालगन्ज नरैनापुर हुलाकी सडकखण्डमा पर्ने नरैनापुर गाउँपालिका ३ गेगलीनजिक रहेको कल्भर्टमुनि जमेको पानीमा आज दिउँसो बेवारिसे शव फेला परेको हो ।
डुबेको अवस्थामा अन्दाजी ५० बर्षीय पहिचान नखुलेको एक पुरुषको शव फेला परेको इलाका प्रहरी कार्यालय भगवानपुरका प्रमुख प्रहरी निरीक्षक राजन रायमाझीले जानकारी दिए ।
शवलाई पोष्टमार्टमका लागि भेरी अस्पताल नेपालगन्ज पठाइएको प्रहरी निरीक्षक रायमाझीले बताए । शवको फोटो सार्वजनिक गर्दै प्रहरीले पहिचान गरि प्रहरीमा सूचना गर्न प्रहरीले अनुरोध गरेको छ । घटनाका बारेमा अनुसन्धान सुरु गरिएको प्रहरीले जनाएको छ ।
प्रतिक्रिया