१० श्रावण २०८१, बिहिबार | July 26, 2024

नरैनापुरमा बाँकेका २ पत्रकार माथि अभद्र व्यवहार



नेपालगन्ज । बाँकेको नरैनापुर गाउँपालिका कार्यालयमा रिपोर्टिङका लागि पुगेका २ जना पत्रकार माथि अभद्र व्यवहार भएको छ । नरैनापुर वडा नं. ४ मा रहेको नेपाल राष्ट्रिय आधारभुत बिद्यालय खोदावामा शिक्षक भर्नाका क्रम बिद्यालय र शिक्षा शाखाले आर्थिक घोटाला गरेको आरोप लगाउँदै अभिभावकहरुले गाउँपालिकाको शिक्षा शाखामा तालाबन्दी गरेको समाचार संकलन गर्न पुगेका खबरगन्ज डटकम अनलाईनका खगेन्द्र दाहाल र सत्यम खबर डटकम अनलाईनका सचालक चन्द्रेश्वर राज त्रिपाठीमाथि दुर्ब्यहार भएको हो ।

तालाबन्दीको छायाँकन गर्दै स्थानीयसँग कुराकानी गरिरहेको अवस्थामा समाचार संकलनमा रोक लगाउँदै नरैनापुर वडा नं. ५ मा रहेका नेपाल राष्ट्रिय आधारभुत बिद्यालय जमुनहाका प्रधानाध्यापक सज्जाक खानका छोरा हसिब खाँ, भतिजाहरु जुनेद खाँ, वसिम खाँ र नसिम खाँ सहितका ब्यक्तिहरुले गाली गालौजसहित सञ्चार सामाग्री खोस्ने प्रयास गरेको पत्रकार दाहालले बताए ।

स्थानीय अभिभावकहरु शिक्षा शाखाका बिद्यालय निरीक्षक कृष्णकुमार थारु, प्रधानाध्यापक सज्जाकलगायतको मिलेमतोमा शिक्षा नियमावली विपरित शिक्षक भर्ना गरेको भन्दै तालाबन्दी गर्न शिक्षा शाखा पुगेका थिए । उनीहरुले लगाएको ताला निरीक्षक थारु र प्रधानाध्यापक खानले आफु निकटका युवाहरु बोलाएर तोड्न लगाएका छन् ।

नेपाल राष्ट्रिय आधारभुत बिद्यालय खोदावामा शिक्षक भर्नाका क्रममा भएको आर्थिक चलखेलमा सज्जाक खाँको पनि संलग्नता रहेको अभिभावकहरुको आरोप छ । बिरोध जनाउन पुगेका अभिभावकहरुको मागका बारेमा सम्बाद समेत नगरि आफ्ना पक्षका युवाहरु बोलाएर ताला तोड्न लगाउनु अलोकतान्त्रिक तरीका भएको नरैनापुर वडा नं. ४ का प्रमोदकुमार शर्माले बताए ।

ताला लगाउनेहरुलाई पन्छाउँदै स्थानीय प्रहरीले ताला तोड्न आउकाहरुलाई सहघाएको पत्रकार त्रिपाठीले बताए । उनले स्थानीय प्रहरीमा आफुहरुमाथि दुर्व्यवहार गर्नेहरु विरुद्ध किटानी जाहेरी दिएका छन् ।

प्रकाशित मिति : १४ जेष्ठ २०८१, सोमबार  १२ : ३२ बजे

सिमलताल घटनाको खोजीमा देखिएन प्रगति, संयुक्त टोलीबाट खोजी जारी

काठमाडौ+ . चितवनको नारायणगढ–मुग्लिङ सडकखण्डस्थित सिमलतालमा पहिरोसँगै बगेर त्रिशूली नदीमा

पेरिस ओलम्पिक भिलेजमा खाना नपाएको खेलाडीको गुनासो

काठमाडौँ । पेरिस ओलम्पिक भिलेजमा खाना नपाएको गुनासो गरेका छन्

मन्त्रिपरिषद्को पहिलो निर्णय कार्यान्वयनमा प्रधानमन्त्रीको चासो

काठमाडौं । प्रधानमन्त्री केपी शर्मा ओलीले वर्तमान कार्यकालको मन्त्रिपरिषद्को बैठकको

Lumbini escapes being listed as heritage at risk

Kathmandu: The proposal to enlist Lumbini, the birthplace of Gautam

बाढीपहिरो लगायतका विपदमा परी आजसम्म एक सय ३४ जनाको मृत्यु

काठमाडौँ । अविरल वर्षाको कारण गत जेठ २८ गतेदेखि देशका