विपिन जोशी अझै भेटिएका छैनन, खोजी जारी छः इजरायलस्थित नेपाली दुतावास
हमासले नेपाली र थाई नागरिकलाई अल सिफा अस्पताल
काठमाडौं । प्यालेस्टाइनी अतिबादी समुह हमासको नियन्त्रणमा रहेका बिपिन जोशीको अवस्था अझै अज्ञात रहेको छ ।
इजरायलस्थित नेपाली दूतावासले विपिन जोशी हमासको नियन्त्रणमा रहेको पुष्टि गरे पनि अबस्था अझै अज्ञात रहेको जनाएको हो ।
हमास समूहले बन्धक बनाएर गाजाको अस्पतालतर्फ लगेका मध्येमा विपिन जोशी पनि रहेको इजरायल डिफेन्स फोर्सले सामाजिक सञ्जाल एक्समार्फत दाबी गरेको छ ।
आइडिएफले एक नेपाली र एक थाई नागरिकलाई घाइते अवस्थामा अस्पताल लगिँदै गरेको दाबी गर्दै भिडिओ सार्वजनिक गरेको हो । सो भिडियोमा भिडिओमा हमासले २ जना घाइतेमध्ये एक जनालाई डोर्याउँदै र अर्कोलाई स्ट्रेचरमा राखेर उपचार कक्षमा लगिएको दृश्य देखिन्छ ।
EXPOSED: This is documentation from Shifa Hospital from the day of the massacre, October 7, 2023, between the hours of 10:42 a.m and 11:01 a.m. in which hostages, a Nepalese civilian and a Thai civilian, were abducted from Israeli territory are seen surrounded by armed Hamas… pic.twitter.com/a5udjBw4wF
— Israel Defense Forces (@IDF) November 19, 2023
यद्यपी, नेपाली दूतावासले भने विपिनको अवस्थाबारे भने अहिलेसम्म पनि यकिन गर्न नसकिएको जनाएको छ।
दूतावासको विज्ञप्तिमा भनिएको छ, ‘जोशीको पछिल्लो अवस्थाबारे यकिन गर्न नसकिएको, निज हालसम्म पनि सम्पर्कविहीन नै रहेको र खोजी कार्य जारी रहेको ब्यहोरा सबैलाई जानकारी गराइन्छ ।’
तर, केही मिडियाले जोशी फेला परेको र उनलाइ रिहाइ गर्नका लागि पहल भइरहेको जनाइरहेको बेला इजरायलस्थित दुतावासले भने उनको स्थीति प्रस्ट पारेको हो ।
प्रतिक्रिया