सामुहिक बलात्कार आरोपमा खजुराबाट ३ जना पक्राउ

खजुरा । बाँकेको खजुराका ३ जनालाई सामुहिक बलात्कार आरोपमा प्रहरीले पक्राउ गरेको छ । २० वर्षीय महिलालाई जबरजस्ती करणी गरेको अभियोगमा खजुराका तीनजनालाई प्रहरीले पक्राउ गरेको हो ।

पक्राउ पर्नेहरुमा खजुरा गाउँपालिका-१ जलपोखरी बस्ने २० वर्षीय युवराज राना, २० वर्षीय समिर थापा र २२ वर्षीय प्रबिण थापा रहेका छन् ।

युवराज, समिर, प्रबिण र जानकी गाउँपालिका-२ चौधरीपुर बस्ने २० वर्षीय सन्देश थापा क्षेत्रीले २० वर्षिय युवतीलाई गाउँपालिका-१ जलपोखरीस्थित अरहरी बारीमा लगि कात्तिक ३० गते पालै पालो जबरजस्ती करणी गरेको प्रहरीले जनाएको छ ।

पीडितको उजुरीको आधारमा ईलाका प्रहरी कार्यालय धनौलीबाट खटिएको प्रहरीले तीन जनालाई पक्राउ गरेको हो । प्रहरीका अनुसार सन्देश थापा क्षेत्री भने फरार रहेका छन् । फरार थापा क्षेत्रीको प्रहरीले खोजी गरिरहेको प्रहरीले जनाएको छ ।