काठमाडौं । प्रधानमन्त्री पुष्पकमल दाहाल प्रचण्ड र नेकपा (एमाले)का अध्यक्ष केपी शर्मा ओलीबीच भेटवार्ता भएको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा मंगलबार दुई नेताबीच भेटवार्ता भएको हो ।
भेटमा गणतन्त्र विरोधीहरुबाट पछिल्लो दिनमा भैरहेका आन्दोलन र गतिविधि, संक्रमणकालीन न्यायका लागि टीआरसी विधेयकको टुंगो, लगायत समसामयिक घटनाक्रममा छलफल भएको बताइएको छ ।
प्रमुख राजनीतिक दलहरु जनआन्दोलनका उपलब्धी गणतन्त्र र संविधान जोगाउने विषयमा एकमत छन् ।
प्रधानमन्त्री प्रचण्ड कोप २८ सम्मेलनका लागि संयुक्त अरब इमिरेट्स यूएईको दुबई जानुअघि ओलीसँग भेट भएको हो ।
प्रचण्ड भोलि दुबई जाँदैछन् । यस्तै, एमालेअध्यक्ष ओली पनि मध्यपहाडी लोकमार्ग पदयात्रामा मंगलबार नै निस्कँदैछन् ।
भेटअघि प्रचण्डले ओलीलाई पुनर्निर्माण भएको सिंहदरबारको पश्चिमतर्फको भवनको अवलोकन गराएका थिए । भूकम्पपछि क्षति पुगेको यो भवन प्रबलीकरण (रेट्रोफिटिङ) गरी केही दिनअघिबाट सञ्चालन गरिएको थियो ।
प्रतिक्रिया