बुटवल । नेपालगन्जमा पहिलो पटक संचालन हुने राष्ट्रियस्तरको ब्याटमिन्टन प्रतियोगिताको मिति परिवर्तन भएको छ । बाँके जिल्ला ब्याडमिन्टन संघको आयोजनामा आगामी माघ ४,५ र ६ गते राष्ट्रियस्तरको ब्याटमिन्टन प्रतियोगिता हुने भएको हो ।
मेयर कप राष्ट्रिय ब्याडमिन्टन प्रतियोगिता २०८० को तयारीलाई तिब्र पारिएको बाँके जिल्ला ब्याडमिन्टन संघले जनाएको छ । ब्याडमिन्टन खेलको स्तर उन्नती तथा खेलाडीको विकास गर्ने उद्देश्यका साथ नेपालगन्जमा पहिलोपटक राष्ट्रियस्तरको ब्याटमिन्टन प्रतियोगिता गर्न थालिएको संघका सचिव भक्तबहादुर गोदार क्षेत्रीले बताए ।
सचिव गोदारले प्रतियोगितामा देशभरबाट बिभागिय सहित उत्कृष्ट खेलाडीहरु सहभागी हुने जानकारी दिए । उनले मेन्स डबल्स (खुल्ला), मेन्स डबल्स (बि लेभल) र भेट्रान्स (४५ प्लस) गरि ३ ईभेन्टमा प्रतियोगिता हुने जानकारी दिए ।
गोदारका अनुसार प्रतियोगितामा मेन्स डबल्स (खुल्ला) को उपाधि विजेताले नगद १ लाख रुपैया पुरस्कार सहित कप, मेडल, प्रमाणपत्रबाट पुरस्कृत गरिनेछ भने दोस्रो टिमले नगद ७० हजार तथा तृतिय टिमले नगद ३० हजार रुपैया, मेडल, प्रमाणपत्र पाउने छन् । यसैगरि मेन्स डबल्स बि लेभलको प्रथम, द्धितिय र तृतिय टिमहरुले क्रमश ४० हजार, ३० हजार र १० हजार रुपैया तथा भेट्रान्सतर्फ प्रथम, द्धितिय र तृतिय टिमले क्रमश ५० हजार, ३० हजार र १० हजार रुपैया, कप, मेडलबाट पुरस्कृत गरिने उनले बताए ।
३ दिन संचालन हुने प्रतियोगिता नेपालगन्ज रंगशालाको कर्भड हलमा आयोजना हुने संघका अध्यक्ष संजय थापाले बताए ।
यस अघि संघले पुसको अन्तिम हप्ता प्रतियोगिताको मिति तय गरेको थियो ।
नोट : प्रतियोगिता हुने मिति फरक परेकोहुंदा सच्याइएको छ ।
प्रतिक्रिया