विराटनगर । कोशी प्रदेश सभामा रिक्त रहेको सभामुखको निर्वाचन आज हुने भएको छ ।
बिहान बसेको प्रदेशसभाको कार्यव्यवस्था परामर्श समितिको बैठकले आजै दिउँसो ३ बजे सभामुखको निर्वाचन गर्ने निर्णय गरेको उपसभामुख सिर्जना दनुवारले जानकारी दिइन् । निर्वाचनको कार्यसूची केहीबेरमा प्रकाशित हुने उनले बताइन ।
सत्तारुढ गठबन्धनले सभामुखमा राप्रपालाई सघाउने निर्णय गरिसकेको छ । राप्रपाले झापाका अम्बरबहादुर बिस्टलाई सभामुख बनाउने निर्णय गरिसकेको छ ।
एमाले सरकारलाई विस्थापित गरेपछि गिजोलिएको कोशीको राजनीतिमा तत्कालिन सभामुख बाबुराम गौतम प्रवेश गरेपछि सो पद रिक्त थियो । गौतमले गत साउन १६ गते सभामुखबाट राजीनामा दिएका थिए ।
प्रतिक्रिया