काठमाडौं । नेकपा माओवादी केन्द्र नेतृत्वको सत्ता गठबन्धनको बैठक बस्दैँछ । आगामी माघ ११ गते हुने राष्ट्रियसभा निर्वाचन, संक्रमणकालीन न्यायसँग सम्बन्धित विधेयक (टिआरसी) लगायतका विषयमा छलफल गर्न सत्ता गठबन्धनको बैठक बस्न लागेको हो ।
प्रधानमन्त्री निवास बालुवाटारमा आज बिहान बैठक बस्न लागेको प्रधानमन्त्री प्रचण्डका स्वकीय सचिव रमेश मल्लले जानकारी दिए ।
कानुन न्याय तथा मानवअधिकार समितिको बैठकमा टीआरसी सम्बन्धी विधेयकमा दफावार छलफल हुने क्रममा सहमति नजुटेका विषय प्रक्रियाबाट टुंगो लगाउने विषयमा छलफल भएको थियो । सरकारले आगामी संसद अधिवेशनबाट टीआरसी सम्बन्धी विधेयक पास गर्ने तयारी गरिरहेको छ ।
कानुन, न्याय तथा संसदीय मामिला मन्त्री धनराज गुरुङले आगामी अधिवेशनमा विधेयक पेस हुने र पारित गर्ने बताएका छन् ।
प्रतिक्रिया