भैरहवा । देशै भरिका विज्ञान अध्यापन गराउने शिक्षकहरुको साझा सङ्गठन विज्ञान शिक्षक समाज नेपाल (STAN) अन्तर्गत रुपन्देही जिल्लाको प्रथम अधिवेशन भैरहवाको भानु माविमा सम्पन्न भएको छ ।
रुपन्देही जिल्लाका बिभिन्न विद्यालयमा विज्ञान पढाउने शिक्षकहरुको सहभागिता रहेको उक्त कार्यक्रम जिल्ला तदर्थ समिति संयोजक महेश प्रसाद गुप्ताको अध्यक्षता तथा शिक्षक श्री सन्तोष प्रसाद गुप्ताको संचालनमा सम्पन्न भएको थियो ।
कार्यक्रममा मन्तव्य राख्दै शिक्षक डिलाराम खनाल, चिरन्जीवी रेग्मी, बासुदेव पौडेल र क्षितिज पाण्डेले विज्ञान शिक्षकको पेशागत विकास र देशको समग्र विज्ञान तथा प्रविधीको विकासको लागि STAN ले महत्वपुर्ण भूमिका निर्वाह गर्नुपर्ने बताए ।
भेलाले शिक्षक दिपक बन्जाडेको अध्यक्षतामा २१ सदस्यीय जिल्ला कार्य समिति गठन गरेको छ । जसको उपाध्यक्षमा महेश प्रसाद गुप्ता,सचिव सतोष प्रसाद गुप्ता, सहसचिव बिना बस्याल र कोषाध्यक्ष ओमकार आचार्य रहेका छन ।
प्रतिक्रिया