पाल्पा । पाल्पामा मोटरसाइकल दुर्घटना हुँदा एकजनाको मृत्यु भएको छ । पाल्पाको रम्भा गाउँपालिका १, स्थित कालिगण्डकी करिडोर सडकखण्डमा मोटरसाइकल दुर्घटना हुँदा एक जनाको मृत्यु भएको हो ।
कालिगण्डकी करिडोर सडकखण्ड अन्तर्गत रम्भा १ भोवरमा ग १४ प ३७५ नम्बरको मोटरसाईकल दुर्घटनामा परी २८ वर्षीय हेमन्त जिटीको मृत्यु भएको जिल्ला प्रहरी कार्यालय पाल्पाले जनाएको छ ।
आइतबार राति करिब ११ बजेको समयमा बुटवलबाट रम्भा १ असेर्दी घरतर्फ जाने क्रममा मोटरसाइकल दुर्घटनामा परेको हो । जिटीको घटनास्थलमै मृत्यु भएको हो । दुर्घटनाग्रस्त मोटरसाइकल सडकदेखी झण्डै २ सय मिटर तल कालिगण्डकी किनारामा खसेको थियो । मृतकको शव पोष्टमार्टमका लागि रामपुर पठाइएको प्रहरीले जनाएको छ ।
प्रतिक्रिया