१४ फाल्गुन २०८०, सोमबार | February 26, 2024

देवदहमा १२ गतेदेखि प्रथम राष्ट्रपति कप रनिङ शिल्ड प्रतियोगिता हुने



देवदह । रुपन्देहीको देवदह नगरपालिकामा प्रथम राष्ट्रपति रनिङ शिल्ड खेलकूद प्रतियोगिता आयोजना हुने भएको छ । देवदह-७ मा अवस्थित देवदह माविको खेल मौदानमा माघ १२ गतेदेखि १४ गतेसम्म ३ दिन सञ्चालन हुने प्रतियोगितामा नगरपालिका २५ वटा विद्यालयको सहभागिता रहने छ ।

प्रतियोगिता स्थलको अवलोकन गर्दै नगर प्रमुख ध्रुब प्रसाद खरेलले खेलकूदको माध्यमबाट देवदहलाई नयाँ पहिचान दिलाउन अहिलेको प्रतियोगिता महत्वपूर्ण रहने उल्लेख गरे ।

प्रतियोगिताको व्यवस्थापन तथा निर्देशन समिति समेत रहेका खरेलले नगरमा पहिलो पटक राष्ट्रपति कप रनिङ शिल्ड प्रतियोगिता गर्न लागिएकाले विद्यार्थी, अभिभावक, शिक्षक तथा खेलप्रेमीहरुमा नयाँ उत्साह सिर्जना भएको दाबी गरे ।

प्रतियोगितामा विभिन्न इभेन्टमा गरी सामुदायिकतर्फ १५ तथा संस्थागततर्फ १० गरी २५ विद्यालयका ९९८ जना विद्यार्थीले प्रतिस्पर्धा गर्ने नगरपालिकाका प्रमुख प्रशासकीय अधिकृत कृष्णप्रसाद सापकोटाले जानकारी दिए ।

छात्र/छात्रा भलिबल, कबड्डी, एथलेटिक्स तथा मार्सल आर्ट्स गरी ३२ स्वर्णका लागि प्रतिस्पर्धा हुने सापकोटाले जानकारी दिए ।

प्रतियोगिता सम्पन्न गर्नका लागि देवदह नगरपालिकाले १० लाख रकम वार्षिक बजेटमै विनियोजन गरेको छ भने संघीय सरकारबाट १ लाख रुपैयाँ अनुदान प्राप्त भएको नगर उपप्रमुख विद्यालक्ष्मी गुरुङले जानकारी दिइन् ।

प्रतियोगिता सम्पन्न गर्नका लागि १३ लाख ५० हजार खर्च अनुमान गरिएको छ । प्रतियोगिता सम्पन्न गर्न लाग्ने अपुग रकम नगरपालिकाको श्रोतबाट नै व्यवस्था गरिने उनले जानकारी दिइन् ।

देवदह माविका अध्यक्ष सुरज खरेलले प्रतियोगिताले विद्यालयको खेलकूद पूर्वाधार विकासमा समेत महत्वपूर्ण टेवा पुग्ने बताए ।

प्रकाशित मिति : ११ माघ २०८०, बिहिबार  ८ : २३ बजे

१३ अङ्कले बढ्यो नेप्से परिसूचक

काठमाडौं । धितोपत्र बजारमा शेयर कारोबार मापक नेप्से परिसूचक उकालो

गगन थापाले भने – आयोगले पोलेको, सहकारी ठग्ने र दुईचारथान नागरिकता राख्नेलाई घर पठाएर अनुसन्धान गर्न लगाऔँ

काठमाडौं। सत्तारुढ कांग्रेसका महामन्त्री तथा सांसद गगनकुमार थापाले आरोपप्रत्यारोको शृङ्खलाले

सडकमा फोहर फाल्ने माथि नेपालगन्ज उपमहानगरको दण्ड, मेयर आफै जरिवाना काट्न सडकमा

नेपालगन्ज । नेपालगन्ज उपमहानगरपालिकाका सडकमा जथाभावी फोहोर फाल्नेमाथि कारवाही गर्न

अध्यागमन विधेयक बहुमतले स्वीकृत भई राष्ट्रिय सभाबाट फिर्ता

काठमाडौं । सङ्घीय संसद्, राष्ट्रियसभामा विचाराधीन ‘अध्यागमन विधेयक, २०७६ फिर्ता

लुम्बिनी प्रादेशिक अस्पतालको योजनाबारे एमाले उपाध्यक्ष बिष्णु पौडेलले भने- कुनै बहानामा विलम्ब नहोस्

बुटवल । पूर्व उपप्रधान एवं अर्थमन्त्री तथा नेकपा एमालेका उपाध्यक्ष