पाल्पा जिप दुर्घटना : ५ महिला, ३ पुरुषको मृत्यु, मृतकको अझै सनाखत हुन सकेन

बुटवल । पाल्पामा भएको जिप दुर्घटनाबाट मृत्यु भएका ८ जनाको अझै सनाखत हुन सकेको छैन । सिद्धार्थ राजमार्गको डुम्रेबाट चिदिस जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटना हुँदा ८ जनाको मृत्यु भएको छ । मृत्यु हुनेमा ५ जना महिला र ३ जना पुरुष रहेको प्रहरीले जनाएको छ ।

मृतकहरुको अझै सनाखत हुन नसकेको पाल्पा प्रहरी प्रवक्ता सुगन्ध श्रेष्ठले बताए । दुर्घटनामा परि १८ जना घाइते भएको र उनीहरुको पाल्पा प्रवास स्थित लुम्बिनी मेडिकल कलेजमा उपचार भइरहेको छ । अधिकांस घाइतेहरु बोल्न सक्ने अवस्थामा नरहेको र मृतकका आफन्तहरु अस्पताल आइनसकेकाले सनाखत हुन नसकेको प्रहरीको भनाई छ ।

घटनास्थलमा प्रहरी चौकी प्रभासको टोली र स्थानीयले घाइतेहरुलाई लुम्बिनी मेडिकल कलेज प्रभासमा लगिएको छ । मृतक र घाइतेको पहिचान खुलिसकेको छैन ।