संसदको आगामी बैठकमा जवाफ दिन सरकारलाई सभामुखको रुलिङ

काठमाडौं । विपक्षी दलहरुले संसदमा उठाएको विषयमा आगामी बैठकमा जवाफ दिन सभामुख देवराज घिमिरेले सरकारलाई रुलिङ गरेका छन् ।

सोमबार बसेको प्रतिनिधिसभाको दोस्रो बैठकमा सभामुख घिमिरेले सरकारलाई फागुन १८ गते जवाफ दिन रुलिङ गरेका हुन् । ‘माननीय सदस्यहरू, बैठकमा नियमित रूपमा यहाँहरूले उठाउनुभएको विषयमा मेरो गम्भीर ध्यानाकर्षण भएको छ । माननीय सदस्यहरूले उठाउनुभएको विषयहरूमा सभाको आगामी बैठकमा जवाफ दिन म नेपाल सरकारलाई निर्देशन गर्दछु ।’, सरकारलाई रुलिङ गर्दै सभामुख घिमिरेले भने ।

यसअघि आजको पहिलो बैठकमा प्रमुख प्रतिपक्षी नेकपा एमाले र अन्य प्रतिपक्षी दलका सांसदहरुले सरकारको आलोचना गरेका थिए । एमालेले सरकारको जवाफ विना संसद अघि बढ्न नसक्ने अडान राख्दै नारावाजी गर्दै सदन अवरुद्ध गरेको थियो ।